Adelfotis
Die stoomskip Adelfotis het op 30 Desember 1956 by Quoin Point in die Overberg op die rotse geloop.
Die skip van 2310 ton is in 1925 in Nederland gebou en het drie name gehad voordat dit in 1955 tot Adelfotis herdoop en in Costa Rica geregistreer is. In Desember 1956 was die skip onderweg van Bremerhaven in Duitsland via Maputo na Moembaai in Indië met 'n vrag van 3 300 ton ammoniumsulfaat. Met 'n gematigde suidoostewind en digte mis, sterk seestrome en 'n beweerde afwyking van die kompasnaald strand die skip. Al die opvarendes is gered, maar die skip was 'n volslae wrak. Teenswoordig word die wrak deur ervare duikers besoek.
Bibliografie[wysig | wysig bron]
- Turner, Malcolm: Shipwrecks and salvage in South Africa - 1505 to the pressent. Kaapsstad: Struik, 1988. ISBN 0-86977-387-9
